重心德乙独脚戏史特加主场对波琴。史特加有左闸波拿苏沙坐波监，防守力削弱，波琴一向进攻大过天，今仗随时合演入球骚，3/3.5球嘅入球大值博。
（周二凌晨2时30分开赛）
争升班嘅史特加，开季4场联赛录得2胜2和，表现不俗，不过左闸波拿苏沙在上仗闷和奥厄之役，因插水累积两黄变一红被逐，今仗停赛难免影响防线稳健性。另一边厢，波琴开季4场联赛2和2负仍未开斋，最大问题係战术过于进取，4战狂失10粒，搞到排名跌落下游，虽然啱啱炒咗主帅杜特，但仲未搵到人接手，预计踢法唔会有太大改变，相信会劲多波入，3/3.5球嘅大盘值得捧场。
巴黎FC好守得追半和
至于法乙方面，包尾嘅巴黎FC主场迎战查贝利，巴黎FC日前喺法联盃死守城池，并凭互射12码淘汰GFCO阿些斯奥，士气略为回升，呢班波初段特别守得，近5仗有4次开半场和，而查贝利攻力疲弱，惟有玩拉布，近4仗全部食白果，其中3仗开半场和，半场和不妨追多铺。
最后係听朝巴甲护级大战，富明尼斯主场对艾华尔，富明尼斯刚喺南球盃出局，依家可专注联赛，遇上开季8场作客联赛7败嘅艾华尔，绝对係抢分好时机，主胜有计。
