德甲内讧半和有逊心

再斗史浩克熟晒路 另一场欧霸16强次回合「德甲内讧」，由慕逊加柏返主场再斗同国劲敌史浩克04。首回合双方打成1比1平手，慕逊加柏情况同曼联一样，手握1个作客入球喺手，今仗就算闷和0比0都够晋级，两军喺国内对到熟晒路数，慕逊加柏主场出击够晒条件歎慢板，2.15倍嘅半场和绝对抵玩。 （FoxSports Play周五凌晨4时05分直播） 近4次交手半场未分高下 慕逊加柏自从由新帅赫基接手后，球队表现明显有起色，单计近6仗比赛就录得4胜1和1负，当中有5次开出半场和，包括之前两斗史浩克04，事实上两队近4次交手全部都係半场未分高下，证明双方摸熟晒对方套路。 作客嘅史浩克04要出线嘅话，今仗必须要争取到入球，但係球队近7仗只係得1胜4和2负成绩，状态认真麻麻，面对擅于玩拉布嘅慕逊加柏，未必咁易搵到破敌之法，相信初段但求企稳阵脚唔失波先算，今仗半和有成2.15倍，值得再追。