近年喺意甲独大嘅祖云达斯，今夏接连签入马菲斯迪历特、拉比奥特、艾朗蓝斯等新兵，阵容更加鼎盛，王牌C朗依然弗到漏油，实力有增无减。自从2011/12年度球季起，「老妇人」已经连续8季联赛封王，如此垄断局面喺意甲前所未见，信心不断累积，呢种「气场」令对手未踢先怯，而且佢哋有自己嘅球场，财政远胜其他意甲球队，因此「冠军」热选必属祖记。
干地胜在有冠军命
当然世上没有长胜将军，而且国际米兰亦蠢蠢欲动，呢支2010年5冠王，近年喺中资入主后逐步重建，连续2年杀入前4取得欧联资格，信心渐复。虽然今夏签入嘅卢卡古、阿历斯山齐士及高甸，被视为高峰已过，但3人都希望喺意甲舞台再次证明自己，最重要係「蓝黑兵团」由铁帅干地掌舵，佢不但重视纪律、战术严谨，亦擅于向球员灌输必胜信念；国米以往开咧惯性不在状态，成绩一般，但今季头2场联赛赢晒已经係最佳证明，而且干地确实係有冠军命，之前无论执教祖记抑或车路士，首季均夺得联赛锦标，同时干地亦係「斑马兵团」依家横扫意甲嘅缔造者。正所谓知己知彼，手执唔少好球员嘅干地，随时係打破旧东家垄断嘅关键人物，「冠军」冷选必敲有7倍嘅国米。
