亚冠盃8强中日对决，浦和红鑽寻晚于次回合主场以1比1赛和上海ＳＰ，两回合计打和3比3，最终红鑽凭作客入球优惠过关。今晚轮到衞冕嘅鹿岛鹿角喺主场斗ＦＣ广州，首回合两队踢成0比0，鹿角各项赛事主场已累积12场不败，加上佢哋近10次喺亚冠盃斗中超球队攞到9胜1和一面倒优势，平手盘必捧鹿角。
（Now 670、Fox +、有线611及651台周三晚6时直播）
ＦＣ广州作客脚软
上届亚冠盃盟主鹿角首回合作客ＦＣ广州虽然全身而退，不过由于未能抢得作客入球，今场必须争取赢波才可确保晋级资格。鹿角今季4线作战未见疲态，除咗上周中喺日联盃8强淘汰浦和红鑽，上场联赛更喺榜首大战以2比0击败ＦＣ东京，将双方积分距离收窄至1分，重燃争标希望，士气及状态一流。鹿角近9场6胜3和未输过，如果单计主场更已保持13场不败，最近1次输波已经係今年4月喺亚冠盃分组赛输畀ＦＣ庆南，水准相当可靠。相反ＦＣ广州今届亚冠盃4场作客法定时间只得1和3负，而且上周末联赛亦喺强阵之下作客输畀ＦＣ江苏1比3，客场表现低落，与鹿角嘅稳定形成强烈对比。
连同首回合打和0比0，双方近5次喺亚冠盃交手，主场一方攞到4胜1和，而且鹿岛鹿角近10次主场斗中超球队取得9胜1和，称得上係中超球队剋星，今场鹿角唔使让波极抵玩，平手盘捧得过。
