力争意甲9连霸嘅祖云达斯今晚主场出击，出战升班球队维罗纳，祖记上场联赛失分，今场定必丧攻对手，以佢哋近12次斗维罗纳取得9胜2和1负嘅压倒性优势，赢2球係基本消费，让球半、两球照捧上盘。
（myTV Gold 301、Now 638、有线614及654台周日凌晨零时直播）
祖记上场联赛作客0比0打和费伦天拿，衞冕之路遇上小波折，而且周中欧联作客马德里体育会亦踢成2比2，连续2场赢唔到，不过「斑马军团」今季兵源雄厚，人脚足以排出两个具有争标实力嘅正选11人，今返主场为重返胜轨，肯定加多两钱肉紧，决心唔需要怀疑。
对赛往绩恰死维罗纳
上季意乙排第5、凭附加赛攞到升班资格嘅维罗纳开季演出平平，3场联赛只係赢过同属升班球队嘅莱切，最弊係阵中前锋史迪宾斯基上场对AC米兰领红牌被逐，今场需要坐波监，想偷鸡更难上加难。维罗纳近年可以讲係祖记「私房菜」，对上12次交锋维罗纳只得1胜2和9负，当中近4次作客有3次输2球或以上，祖记今场让球半、两球冇有怕，一于捧上盘。
