查比高恩斯劫后重生！

自由盃分组赛明早有4场上演，阿King睇中第7组嘅巴甲球队查比高恩斯主场对阿甲球队拉鲁斯。查比高恩斯近况唔曳，而且主场表现出色，面对流失咗唔少主力兼且近况平平嘅拉鲁斯，有力喺自由盃分组赛再下一城，平手盘阿King推介查比高恩斯。 （周五早上6时30分开赛） 查比高恩斯自去年空难后进入重建阶段，佢哋获多支巴甲球队借出球员，成功组成1支具实力嘅球队。查比高恩斯自今年1月尾开始参与省联赛、巴超联同自由盃3项赛事，14战取得6胜5和3负嘅战绩，不败率近8成，而且主场赛事更未尝败仗，可见威力甚劲。查比高恩斯上仗分组赛作客2比1赢委内瑞拉球队苏利亚，球队近期入球嚟自3线唔同球员，可见攻击非常多元化，令对手防不胜防，今场大部分主力都冇受伤患困扰，可强阵出击。 拉鲁斯星级球员、巴拉圭中场米基尔阿米朗转投美职球队阿特兰大联，令球队顿时失去重心，虽然引入咗巴拉圭中场马迪亚斯罗渣士同前独立队前锋丹尼斯，但对球队整体实力始终有影响。拉鲁斯近两场赛事都输波，而且1球都入唔到，可见攻不锐守不稳，今仗续有正选门将蒙尼迪因膝部韧带断裂要休养，防线岌岌可危，作客更难睇好，平手盘阿King撑主队查比高恩斯。 山度士玩残强者 其馀赛事，第5组嘅乌拉圭球队彭拿路有前锋桑保斯利上仗领红牌停赛，主场面对阿甲重开首战赢波嘅图库曼体育会，主队冇乜优势可言，捧图库曼体育会让球胜。（周五早上8时开赛）至于第2组嘅巴甲球队山度士近况虽反覆，但主场表现始终信得过，相反玻利维亚强者作客唔掂，今仗凶多吉少。 （周四早上8时45分开赛、马会网上文字直播）