今晚德甲压轴戏演国家打吡，拜仁慕尼黑主场迎战多蒙特，两军今季表现同成绩都唔理想，多蒙特近6场联赛只赢两场，拜仁更喺上轮惨败搞到教练尼高高华饭碗都冇埋，今仗双方都唔齐人，同样有好多不稳定因素，黑柴建议小敲有4.5倍好分头嘅和波。
（Now 671、Fox +、有线652及612台周日凌晨1时30分直播）
拜仁上轮不敌法兰克福后，改由助教汉斯弗利克担任看守教练，球队高层寻日企出嚟否认搵云格做新帅传言，据报众巨头已有共识，只要今仗唔输畀多蒙特，弗利克就可以扶正，起码教到季尾再算。拜仁喺弗利克领军下，啱啱喺欧联击退奥林比亚高斯，提早两轮获16强淘汰赛资格，球队精神面貌有起色，但进攻组织只係一般，遇弱旅赢波过程都毫不轻鬆，今仗3名中坚历卡斯苏尼、卢卡斯靴南迪斯同谢路美保定两伤一停，着晒火嘅箭头罗拔利云度夫斯基据报亦鼠蹊有伤，踢完今仗会做小手术，前线火力存阴影。
多蒙特早前状态反覆，近期终有起色，上轮德甲下半场发力数禾夫斯堡3蛋，跟住欧联斗国际米兰嘅非胜不可关键战，喺半场落后两粒嘅劣势下连追3球反胜，出线形势变番大好，状态同气势在拜仁之上，只係前线两大攻击重心马高列奥斯同查顿辛祖近期都负伤，今晚上阵机会唔太乐观，想喺安联球场全取3分难度甚高，既然双方各有隐忧，不如小敲好分头嘅和波，以轻鬆心情睇波好过。
