圣诞快车遇弱胜算高
今日圣诞节，渡边年祝大家圣诞快乐，得心应手！虽然听日「拆礼物日」先有赛事，但英冠有好路提早推介畀大家，1哥西布朗作客斗第22位嘅班士利，呢场係强弱悬殊之战，西布朗个客Ｗ肯定会愈买愈热，各位球迷早买早享受！
（周四晚11时开赛）
西布朗今季喺前韦斯咸主帅比历领导下，喺英冠势如破竹，长期做1哥之馀，仲射入46球，暂时係联赛火力最强球队，比历执教风格同以往喺英超时一样，都係以攻代守。由修咸顿转投西布朗嘅中锋查理柯士甸今季翻生，近7场联赛入7球，巴西中场马图斯佩雷拉更喺助攻榜名列前茅，配合具英超经验嘅笠臣简奴、积基李华摩亚等支援，无论将帅质素，根本喺英冠就超晒班。
班士利沉沦等劏
西布朗今季作客表现劲过主场，开季后12场联赛作客获8胜3和1负，係今季英冠作客王，单计近6场联赛作客，西布朗亦豪取5胜1和。相反，尾三嘅班士利状态低沉，23场联赛输咗12场，面对史笃城、卢顿、米杜士堡等护级对手都要输，今场迎战榜首西布朗相信都係凶多吉少，西布朗客Ｗ肯定会愈买愈热，今日早飞入定先，做个醒目投注者。
