西甲双雄分途踢打吡！今晚先有皇家马德里作客进袭同市劲敌基达菲，去到周日凌晨就有爱斯宾奴迎战巴塞隆拿合演「加泰罗尼亚打吡」。其中「银河舰队」今季患上宾施马依赖症，进攻过于单调，对住踢法保守嘅基达菲，呢位法国前锋随时被唛实，一于吼实半场和。
（ViuTV99、Now 632周六晚上11时直播）
皇马喺歇冬前错过登上西甲榜首嘅良机，2020年首战当然不容有失。可惜「银河舰队」进攻手段单一问题严重，头号前锋宾施马联赛至今轰入12球，但紧随其后竟然係斩获3球嘅沙治奥拉莫斯，呢位皇马队长今仗停赛，夏萨特又有因伤倦勤，势令进攻重担落返喺宾施马一人肩上。况且，基达菲目前进佔第6位，靠嘅就係稳健防守，至今只失17球仲少过巴塞，尤其喺开波初段好气好力，近10战5个失波中，上半场只失3球，当中有8次同对手半场打成平手，呢场半场和值得再追。
爱斯宾奴细顶巴塞
至于喺周日凌晨，「1哥」巴塞隆拿就作客爱斯宾奴，上演「加泰罗尼亚打吡」。今季巴塞作客成绩平平，先后输过畀利云特同ＣＦ格兰纳达等弱旅，为免再次大意失分，肯定唔会好似踢主场咁全民开「攻」。另边厢，爱斯宾奴至今已3度换帅，比联赛赢波次数仲要多，不过艾比拿度匆匆上任，一时三刻未必做到嘢。翻查纪录，两军近5次对垒，爱斯宾奴获1胜1和3负，4次开3球或以下，相信今场都会摆好铁桶阵死守，捧番中位数3.5球入球细好过。
（Now 611及632周日凌晨4时直播）
