特雷斯登让球胜抵玩
2020/06/09文:渡边年
特雷斯登前锋马基洛克
1/2
格雷特霍夫状态曳
周三凌晨德乙补赛，暂列联赛包尾嘅特雷斯登主场迎战格雷特霍夫。特雷斯登受球员确诊肺炎影响，比其他球队迟1周开赛，所以要踢快车，佢哋上场击败主要对手韦恩，重现护级生机，嚟紧场场都博。格雷特霍夫近期联赛表现曳到爆，重开后2和2负累积4场不胜，主因係主力射手夏华尼尔逊受伤仲未可以上阵，冇让波本钱，捧受让嘅特雷斯登让球主胜。（周三凌晨零时30分开赛）
格雷特霍夫差唔多每季嘅剧本都一样，讲到争升班，亦会有一段时间好似真係有希望，但季中开始失分，季尾冇希望。近期走势亦一如以往，联赛重开后4场不胜，累积近9仗联赛仅取1胜4和4负，格雷特霍夫主力前锋夏华尼尔逊早前受伤出现脑震盪，一时半刻难归队候命，势必令入球能力大打折扣，呢个亦係球队近况曳嘅原因。
抢分护级战意高昂
格雷特霍夫作客亦好难赢波，自2月初2比0击败雷根斯堡之后，近3仗作客都未尝胜果，包括对护级嘅韦恩亦只能以1比1赛和，勉强抢得1分。相反，同样对住韦恩，特雷斯登就生勐好多，上周六就以3比2赢波，全取3分之后，虽然依然仲係包尾，但喺少踢2场嘅情况下，距离尾4嘅纽伦堡只有6分，护级形势露曙光。虽然前锋柏德列舒密特喺上场比赛领红被逐，以致今场停赛，但另一射手马基洛克上仗临完场射入绝杀球，信心提升，相信唔会对特雷斯登攻击力构成影响，佢哋今场抢分分意欲高昂，主场出击有力与格雷特霍夫周旋，让球主胜值得留意。
