柏林联遇史浩克04捱细界
2020/06/07
今晚另一场德甲，柏林联主场斗史浩克04；两军联赛重开后都冇好过，今场胜负好睇临场发挥；柏林联近10场主场联赛5胜2和3负，当中5场冇失波，踢法硬淨，对住唔识入波兼态沉嘅史浩克，捧2.5球细盘好路。
■（Now 670、有线651及611台周日晚9时30分直播）
两队近况都曳
今场两军近况可谓难兄难弟，柏林联重开后4战只得1分，史浩克更係4连败，正宗「海军斗水兵」。如果单计主场，柏林联近10场攞到5胜2和3负，3场输波对手分别係拜仁、利华古逊及贺芬咸，表现唔算失礼，而且其馀5场赢波全部保持冇失波，今场有一定抢分机会。
史浩克重开后4连败，好彩上半季抢够分先唔使护级，未计上周六晚成绩，佢哋排联赛榜第10位，真正唔上唔落，今晚仲有主力韦斯顿麦坚尼停赛，实力进一步削弱。佢哋踢咗29轮联赛仅入34球，仲差过一啲护级球队，所以唔好对佢哋进攻有咩期望。
论近况柏林联勉强叫好啲，不过既然柏林联对上5次主场赢波唔係1比0就係2比0，转捧细盘仲稳阵。
