铁桶对钝刀城南大邱难开入球骚
2020/06/07
韩职今日上演FC城南主场对FC大邱，「黑喜鹊」城南今季4战2胜2和未输过，最大原因係防守力极强，老牌门将金永光今仗职业生涯第500次上阵，赛前会举行纪念仪式，佢当然想用今季第4场「清白身」嚟做贺礼；大邱今季未赢过波锋力疲弱，作客多以1分为目标，今场博2.5球入球细好路。（myTV SUPER周日晚6时直播）
城南今季开咧表现唔错，目前亦冇任何伤患，教练金南一口讲要踢进攻足球，实质延续球队上季坚持嘅防守性踢法，头4轮赛事只失过1球，中坚延济运领导嘅3中坚做到滴水不漏，除非有长人中锋玩高空轰炸，否则想入佢哋波非常困难。不过，城南进攻仍有待改善，近3场比赛嘅射门入波比率只有12.5%明显偏低，所以今季4战总入球都係2球或以下。
作客嘅大邱今季仲未打开胜利之门，上场更有后防核心人物洪正雄韧带受重创，预计要抖几个月，今季可唔可以复出都係疑问。由于呢班波后防专注力本来就麻麻，冇埋呢位队长喝住更加令主帅唔放心，今场作客必然会求稳，前线只靠伤愈嘅施仙夏费兰度独挑大樑，相信入球数字唔慌多。
