柏达邦半场顶住莱比锡
2020/06/06文:麦马拿仁
柏达邦（蓝衫）全力守住莱比锡。
拿仁今日有冷品介绍畀大家，包尾嘅柏达邦作客RB莱比锡，今场玩半场和。柏达邦虽然敬陪末席，但作客经常踢出斗志，对手唔係咁易入到佢波，强如拜仁慕尼黑及慕逊加柏主场出击，亦只能同柏达邦半场打和。RB莱比锡仍然要为力保欧联入场券努力，不过近期后防频频出错导致险象横生，今仗或会先稳住防线再谋后动，半场和有3.5倍玩得过。
（Now 671、有线652及612台周六晚9时30分直播）
RB莱比锡喺复赛后接连于主场打和弗赖堡及哈化柏林，2场失4分，现时只排第3，同拜仁相差9分，夺冠机会淼茫之馀，仲要担心「火烧后栏」，因紧随其后嘅慕逊加柏同利华古逊，只比佢哋少2分，若有任何差池，随时前4不保。
莱比锡睇定嚟踢
莱比锡上仗大胜科隆4比2，表面睇嚟球队发挥甚具霸气，但实际上莱比锡7分钟已经失守，呢球失波亦係莱比锡近4场3次上半场首先失波，之前2次就係主场对弗赖堡及哈化柏林，球队唔想重蹈覆辙最终失分，今场必定要打醒十二分精神做好防守，而且莱比锡实力更胜柏达邦，可以慢慢睇住嚟食。
柏达邦近8场联赛作客7次开半场和，对手包括榜首拜仁同「4哥」慕逊加柏，真係有力顶得两嘴，柏达邦亦曾经作客半场领先多蒙特3比0，今场必定继续以死缠战术对抗RB莱比锡。正所谓前车可鑑，相信莱比锡唔会大意，预计战情会陷入胶着，半场和有3.5倍超级抵玩。
