波兰近年进步神速，佢哋喺今届欧国盃外围赛D组，仅以1分之差落后世盃冠军德国，以次名杀入决赛周，阵中王牌射手罗拔利云度夫斯基亦成功孭起国家队锋线。今晚呢支东欧球队主场同塞尔维亚拍跳，2.08倍入球大值得支持。
（TVB301周四凌晨3:45直播）
讲起波兰，大家梗係会谂起罗拔利云度夫斯基，呢位前锋射术精湛，唔止喺球会交到货，返到国家队一样咁醒，近8场比赛合共轰入11球。难怪波兰喺外围赛嘅入球数字比球星如云嘅德国仲要多成9球，10战斩获33球。更令捧场客放心嘅係，呢支东欧球队状态大勇，近5战取得4胜1和不败佳绩，夹埋狂轰19球不特止，而且全部都至少射入对手2粒，最终全部开晒入球大，火力非常有保证。
塞尔维亚唔惯吞蛋
对手塞尔维亚正值青黄不接期，近4场赛事输3仗，好在班波仲有一定攻力。3场败仗面对法国、葡萄牙同捷克呢啲名牌球队，都叫做有办法攻破对手大门，未致于要吞蛋而回。呢匀佢哋作客出战连续6仗都有失波嘅波兰，应该唔难取得入球嘅。既然双方各有板斧士哥，今仗友赛寓赛于操，入球大抵玩。
