郑大世终于康复，降落日乙之后未见有太大起色嘅清水心跳，今日作客对住伤兵满营嘅山形山神，始终佔有质素优势，小让平半唔过分，一于博清水2.21倍上盘。
（开赛时间：周六中午12:00）
郑大世复出打多瓣高波
由日职降落日乙，人脚变动唔算大太，清水一直畀人视为升班席位有力角逐者之一，但係锋将郑大世、中场白崎凌兵养伤，一定程度上削弱咗佢哋嘅攻击力，上仗主场0:2输畀北海道札幌冈萨多，清水就畀传媒批评进攻单调，后防又唔稳阵。依家好嘞，郑大世、白崎都好番晒，尤其身高1米81嘅郑大世，可以令清水打多瓣高波，应该改善到佢哋4战有3场冇波入嘅问题。虽则清水后衞迪赞积高域奉召帮加拿大踢国际赛，今日冇法子帮拖，但以山形嘅4场入3球攻击力，清水唔会咁易出事。
山形残阵开季4战不胜
清水稍为秤先嘅另一个原因，在于山形开季4战不胜之馀，又突然涌现伤兵潮，后衞石川龙也，中场佐藤优平，铃木雄斗3件主将缺阵，加埋比嘉厚平早就摺埋，令到山形要起用养伤接近半年嘅松冈亮辅打中场，攻守连繫点都会差啲。何况山形往绩亦好曳，过去6次响ND体育场迎战清水，只得1胜2和3负，至攞命係除咗两场日联盃取得1胜1和，其他4场联赛係1和3负，即係话清水只会响盃赛益吓山形，到咗联赛就完全无情讲，今日山形就算主场受让都冇着数。
