守强攻弱斗踢闷蛋波
今个国际赛期大战连场，一众欧洲劲旅为备战夏天嘅欧国盃决赛周，齐齐约战练兵，今晚最瞩目戏码非意大利主场恶斗西班牙莫属。「狂牛军团」以控传踢法闻名，不过自从韦拿、费托离开国家队后，球队一直缺少一位顶级射手，主队意大利同样係守强攻弱，今仗开1.57倍入球细机会极高。
（开赛时间：周五凌晨3:45）
西班牙早年拥有韦拿、费兰度托利斯呢啲高质射手，佢哋冇踢国家队后，车路士前锋迪亚高哥斯达本来係射术最好嘅一个，可惜因为纪律问题被放弃，前线够卡士压阵嘅球员买少见少，无论係祖云达斯箭头艾华路莫拉达定係华伦西亚小将柏高艾卡沙，都缺乏国际赛经验，难予人信心，加上恩尼斯达、布斯基斯同辛迪卡索拉呢啲有一定质素嘅球星因伤冇入队，策划攻势能力唔打折扣就奇。
加斯安奴柏利孭唔到飞
睇番「狂牛军团」早前8场国际赛当中，就有6仗开出「入球细」，客场出击更加连续4场开细，咁好路，今场值得再追。
意大利同样面对锋力不足嘅问题，睇番今次大军名单，AC米兰前锋巴洛迪利再次落选，巴黎圣日耳门中场马高华拉堤因伤已退队，喺国际赛入波数目最多嘅球员，竟然係名气一般嘅修咸顿射手加斯安奴柏利，佢都只係为国家队贡献咗4个入波咋，真係好难对佢哋嘅攻击力有太大期望。考虑到双方近4次对碰3次开细盘，入球细值得吼实！
