另一场欧联16强次回合比赛，首回合作客3:1击败基辅戴拿模嘅曼城，今晚回师主场再斗呢支乌克兰球队。「蓝月亮」上仗联赛作客诺域治被对手闷和0:0痛失2分，不单打击争冠机会，就连前4位置随时不保，相信领先两粒下会歎慢板，入球中位细开2.5/3球，1.9倍细值博。
留力曼市打吡抢分
曼城刚喺上周末被诺域治闷和后得51分，落后榜首李斯特城9分之馀，仲被第5位嘅韦斯咸追至得番2分差距，前4位置变得危危乎，最惨嚟紧仲要同宿敌曼联上演「曼彻斯特打吡」，「红魔鬼」依家排第6都要为下届欧联资格而战，到时肯定会搏老命，相信领队比历连尼亦清楚形势，今仗未必会落柯打抢攻，反而採取控球在脚消磨时间，保留球员体能，咁嘅情况唔好旨意「蓝月亮」会刻意争取入球。
对手基辅今仗必须攻入3球先才有机会晋级，之但係呢班波过去13次造访英格兰球队，只係攞到2和11负差劲成绩，包括今届分组赛1:2不敌车路士，想反扑睇怕都有心无力。再睇埋佢哋今届3场欧联作客赛事开出2口细盘，呢铺对住歎慢板力求不失嘅曼城，好难出现大手交易场面囉。
