另一场欧联16次回合赛事，巴塞喺首回合作客轻取阿仙奴2:0，呢铺回师主场出击再斗兵工厂绝对係信心保证。皆因「地上最强」唔止实力高一皮，而且佢哋欧联主场连赢9场，堪称最强主场，呢次对住残阵出击嘅兵工厂，1.61倍让主咪走宝。（有线61及201、中央5台周四凌晨3:45直播）
鲁营球场出晒名够恶，就算面对一众欧洲劲旅都冇有怕。连上届在内，巴塞喺欧联赛事豪取主场9连胜，当中近8仗有6铺係赢2球或以上，就连拜仁、巴黎圣日耳门、罗马等球队，统统成为其手下败将。况且「地上最强」对上2次主场斗阿仙奴，都至少赢对手2粒，呢铺对方仲要阵容不整，更容易大开杀戒。
阿仙奴残阵焗攻等劏
阿仙奴牌面比巴塞差，最大镬係球队面临伤兵潮，中场艾朗蓝斯、门神施治、守将哥斯尼均有伤在身，就算后者赶及复出，缺态下对住「MSN」点会有好结果。何况阿仙奴想出线就要焗攻，后防咁就更容易出事，一旦失守随时兵败如山倒。睇番佢哋近6次斗巴塞，5次至少失2粒，呢铺想佢哋唔输镬甘都难咯。
