澳职今日下昼上演榜首大战，墨尔本城主场摆擂台恭候布里斯班狮吼。虽然墨尔本城排第4位，但只係同榜首嘅狮吼相差3分，只要佢哋今仗震散狮吼，即可凭较佳得失球压过对方升呢做「一哥」，斗志唔使怀疑。以墨尔本城连续5次主场击败狮吼嚟睇，今仗要赢并唔难，小让平半梗要撑1.97倍上盘。（有线64及203周五下午4:40直播）
墨尔本城今季最大优势梗係火力够勐，联赛23战入55球，坚令人放心。虽然班波上个月稍有回落，但嚟到3月作最后出冲刺嗰阵，随即连赢2铺重上胜轨。更难得嘅係，仲改善埋后防不稳问题，最近2仗分别以1:0同3:0淨胜阿德莱德联同FC悉尼，连唯一死穴都冇埋，呢铺主场斗狮吼的确值得睇高一线。
狮吼作客输亲大大镬
虽然对手狮吼最近2铺同样取胜，但就喺主场出击，佢哋一作客演出就唔多掂，近4场作客输3铺，仲要输亲都大大镬，分别以0:3、3:6、0:4输畀阿德莱德联、珀斯光辉同墨尔本胜利，咁样好难捧得佢哋落手啫。再睇埋狮吼连续5次作客墨尔本城均败阵而回，今次想喺近8场主场取得6胜2和嘅墨尔本城身上抢分，好难喎。
