日职今日爆发一场「坂神打吡」，由神户胜利船主场迎战大坂飞脚，呢两队波交锋37次得1次出现0:0嘅闷场，1.8倍入球大绝对抵博。（有线61、201周六下午3:00直播）
话晒都係地区打吡，为咗面子呢两队次次都打甩髀，就攞神户主场嘅打吡数据为例，佢哋只係得6胜4和8负略处下风，绝对唔係冇得打，最重要係呢组由1999年起做嘅统计显示，神户平均每场入到1.67球，不过失球就高达2.28球，淨係呢两个数加埋已经高过大细2.5球个中位数，冇理由玩嗰个1.9倍入球细啫。
神户杀手宇佐美贵史Show Time
事实上飞脚开季虽然一如以往咁慢热，但係呢班波响日职始终有质素优势，踢顺咗就唔係人咁品。特别係前锋宇佐美贵史素有「神户杀手」嘅称号，出道以嚟10战神户入咗12球，除非神户条防线今日突然脱胎换骨，否则好难逃过佢嘅毒手。老实讲吖，神户开咧3场日职就失咗5球，守衞之间嘅互相补位比较差，点可能几日间变成铜牆铁壁先？更何况神户班管理层似乎认为后防冇问题，反而崇尚以攻制攻，前晚宣布罗致广州恒大弃将雷内，可惜呢个巴西中场仲做紧体检今日唔出得，神户嗰套以攻代守嘅大计，暂时冇法子完美实施。
即使係咁，神户照样有条件同飞脚对攻，响对手身上攞到入波，事关飞脚后衞吴宰硕伤咗，另一件衞将米仓恒贵左脚亦唔多妥，可能要调今野泰幸踢右闸，防线稳定性或者会打折扣，更加有利今场波开大。
