文:笛子波童
啱啱喺欧霸盃16强出局嘅拉素，都仲未有足够时间收拾心情，今晚重返意甲即作客AC米兰。「蓝鹰」早前作客连续7场不胜，加上球队后防伤兵问题未解决，呢次造访主场特醒嘅「红黑军团」，怕且难逃一败，撑1.9倍主胜。
（TVB301周一凌晨3:45直播）
拉素欧霸出局力疲心伤
原先拉素有望喺欧霸盃走得更远，可惜佢哋未能把握首回合，作客打和布拉格斯巴达1:1优势，上仗次回合喺主场即使佔尽上风，但最终惨吞3蛋出局，咪话唔打击军心。班波最惨係后防伤兵满营，包括守将迪维积、杜辛巴斯达、鸭都拉干高等4人均未有复出消息，呢铺真係想死守搏1分都难。
何况AC米兰重拾主场声势，近7次主场出击取得6胜1和佳绩，佢哋肯定把握呢次机会，追番对上2仗联赛作客失去嘅分数。加上主帅米赫洛域早前澄清自己喺季尾离队传言，并矢志带领AC重返欧洲赛，呢次边可以放过痛打「残鹰」机会先？主胜放心捧场。
