今晚德乙有场独脚戏，由仲有机会争冠军嘅弗赖堡，主场迎战中游球队卡尔斯鲁厄。弗赖堡今季喺德乙火力劲勐，佢哋最近连赢5场状态大勇，呢次对住升班冇望但又唔愁降班嘅卡尔斯鲁厄，主帅卡奥辛斯基肯定落柯打要全取3分，今仗弗赖堡让半一，2.03倍上盘依然抵玩。
（开赛时间：周二凌晨3:15）
卡尔斯鲁厄冇嘢好争
今轮联赛未开始之前，排第2位嘅弗赖堡只係差榜首RB莱比锡3分，换言之佢哋争冠一事仲有希望，今仗一定唔会放软手脚。虽然主力射手尼达列治拿要坐波监，好彩弗赖堡仲有锋将基科、尼斯彼德臣呢啲勐将攻坚。事实上呢班波今季火力惊人，26场联赛劲轰57球，当中主场更见威力，13仗攻入37球，场均入球数字接近3球，再加埋佢哋近5仗赢晒，每仗至少攻入对方至少2粒，状态咁弗，又真係唔使点担心会突然失准哑火喇！
对手卡尔斯鲁厄暂列中游位置，成绩高不成低不就，搞到成队波冇晒目标，近5仗仅得1胜，叫人点信得过先？更何况首席射手迪亚文达高斯陷入球荒，连累佢哋近3仗夹埋仅入1粒，大踢风流波，呢铺造访弗赖堡好难抢到分咯！
