今晚英甲有场独脚戏，由两支中游球队对碰，修安联主场对锡菲联。修安联早前仲有机会杀入前6位争升班，但点知呢班波愈踢愈颓，眨眼间跌咗落第13位。今晚佢哋首要任务肯定係先做好防守止血，撞啱对手锡菲联作客例牌死火，1.72倍入球细博得过。
（TVB301周四凌晨2:45直播）
修安联以守为先
修安联曾有望争夺升班附加赛席位，但随住佢哋走势回落，近6场比赛只曾1胜，最近2仗连斗升班竞争对手基宁咸、罗奇代尔仅得1和1负，令到积分同第6位距离愈拉愈远。今仗回师主场比赛，最重要係唔好再输落去，否则升班机会只会愈见淼茫，预期会先做好防守再伺机而动。
锡菲联作客例哑火
对手锡菲联最近表现同样麻麻，6场比赛取得2胜1和3负。要留意嘅係，佢哋呢排剩係识喺自己地头抢分，一到作客就投晒降，近4场作客赛事取得1和3负不特止，当中3仗更要食白果。考虑到队波嘅首席射手比利沙柏对上一次作客士哥，要追溯到今年1月中，更何况中坚大衞艾格、巴迪斯迪避战，锡菲联呢铺怕且都冇乜本钱强攻对方，捧入球细啱数。
